சொந்த மண்ணில் பாகிஸ்தானிடம் மண்டியிட்டது இலங்கை

இலங்கை அணிக்கெதிரான மூன்றாவதும் இறுதியுமான டெஸ்ட் போட்டியில் 7 விக்கெட்டுகளால் வெற்றிபெற்ற பாகிஸ்தான் அணி 2-1 என தொடரைக் கைப்பற்றியது.

இலங்கைக்கு கிரிக்கெட் சுற்றுப்பயணம் மேற்கொண்டுள்ள  பாகிஸ்தான் அணி 3 போட்டிகள் கொண்ட டெஸ்ட் தொடரில் பங்கேற்று விளையாடியது. மூன்றாவதும் இறுதியுமான டெஸ்ட் போட்டி பல்லேகலயில் இடம்பெற்றது.

முதல் இன்­னிங்ஸில் இலங்கை அணி 278 ஓட்­டங்­களையும் பாகிஸ்தான் 215 ஓட்­டங்­களையும் பெற்று சகல விக்­கெட்­டுக்­க­ளையும் இழந்­தன.

63 ஓட்­டங்கள் முன்­னி­லை­யுடன் இலங்கை அணி தனது 2ஆவது இன்­னிங்ஸை ஆரம்­பித்­தது. இலங்கை அணித் தலைவர் மெத்­தி­யூஸின் சிறப்­பான சதத்தால் இலங்கை அணி 313 ஓட்­டங்­களைக் குவித்­தது. இதனால் பாகிஸ்தான் அணியின் வெற்­றிக்கு 377 ஓட்­டங்­களை நிர்­ண­யித்­தது இலங்கை. இதில் அஞ்சலோ மெத்தியூஸ் 122 ஓட்டங்களை விளாசினார்.

377 ஓட்­டங்கள் எடுத்தால் வெற்றி என்ற இலக்­குடன் பாகிஸ்தான் அணி 2ஆவது இன்­னிங்ஸை தொடங்­கி­யது. தொடக்க வீரர் அஹ்­மது ஷேசாத் ஓட்­ட­மேதும் பெறாத நிலை யில் ஆட்­ட­மி­ழந்தார். மறு­மு­னையில் நின்ற அசார் அலி 5 ஓட்­டங்­க­ளுடன் ஆட்­ட­மி­ழந்­தனர். இந்த இரண்டு விக்­கெட்­டுக்­க­ளையும் இலங்கை அணியின் வேகப்­பந்து வீச்­சாளர் பிரசாத் கைப்­பற்­றினார்.

3ஆவது விக்­கெட்­டுக்கு ஷான் மசூத் உடன் மூத்த வீரர் யூனிஸ்கான் ஜோடி சேர்ந்தார். இந்த ஜோடியின் ஆட்­டத்தால் பாகிஸ்தான் அணி 4ஆவது நாள் மதிய தேநீர் இடை­வேளை வரை 2 விக்கெட் இழப்­பிற்கு 99 ஓட்­டங்­களை எடுத்­தது.

அதன்­பி­றகு ஓட்ட வேகத்தை அதி­க­ரித்த இந்த ஜோடி இணைப்­பாட்­ட­மாக 217 ஓட்­டங்­களைப் பெற்­றுக்­கொண்­டது. இதனால் அணியின் ஓட்ட எண்­ணிக்கை 2 விக்­கெட்­டுக்கள் இழப்­பிற்கு 230 ஓட்­டங்­க­ளா­னது.

நேற்­றைய ஆட்ட நேர முடிவில் இதில் யூனிஸ் கான் 101 ஓட்­டங்­க­ளு­டனும், ஷான் மசூத் 114 ஓட்­டங்­க­ளு­டனும் களத்தில் நின்­றனர். ஐந்தாவதும் இறுதியுமான நாளான இன்று பாகிஸ்தான் அணியின் வெற்­றிக்கு  147 ஓட்­டங்­கள் தேவைப்பட்டது. 

இந்நிலையில் 8 விக்கெட்டுகள் கைவசமிருக்க தனது ஆட்டத்தை தொடர்ந்த பாகிஸ்தான் அணி விக்கெட் இழப்பின்றி வெற்றி இலக்கை அடைந்து 7 விக்கெட்டுகளால் வெற்றிபெற்று 3 போட்டிகள் கொண்ட தொடரை 2-1 என கைப்பற்றியது. யுனிஸ்கான் ஆட்டமிழப்பின்றி 171 ஓட்டங்களையும் மிஸ்பா உல்ஹக் 59 ஓட்டங்களை பெற்றுக்கொடுத்தனர்.

சிறப்பாக விளையாடிய ஷான் மசூத் 125 ஓட்டங்களைப் பெற்றுக் கொடுத்தார். இத் தொடரின் ஆட்டநாயகனாக பாகிஸ்தான் அணியின் யஷீர் ஷாவும் இப் போட்டியின் ஆட்டநாயகனாக யுனிஸ்கானும் தெரிவுசெய்யப்பட்டனர்.