வரலாற்றில் இன்று டிசெம்பர் 12

627 : பைசண்டைன் பேரரசு இராணுவம் ஹெராகிளியஸ் தலைமையில்

பாரசீகப் படைகளைத் தோற்கடித்தன. 

1787 : பென்சில்வேனியா ஐக்கிய அமெரிக்காவின்  அரசியலமைப்பை அங்கீகரித்த இரண்டாவது மாநிலமானது. முதலாவதாக அங்கீகரித்த  மாநிலம் டெலாவர் ஆகும்.

1812 : ரஷ்யாவின் மீதான பிரெஞ்சுப் படையெடுப்பு முடிவடைந்தது.

1817 : நியூ சவுத் வேல்ஸ் ஆளுநர் லக்லான் மக்குவாரி அவுஸ்திரேலியா என்ற பெயரை காலனித்துவ அரசுக்கு பரிந்துரைத்தார்.

1862 : யாசூ ஆற்றில் ஐக்கிய அமெரிக்காவின் யூ.எஸ்.எஸ்.கைரோ என்ற ஆயுதம் தாங்கிக் கப்பல் கண்ணிவெடியில் சிக்கி மூழ்கியது.

1871 : யாழ்ப்பாணத்தில் முழுமையான சூரிய கிரகணம் அவதானிக்கப்பட்டது. இங்கிலாந்தின் வானியலாளர் நோர்மன் லொக்கியர் தலைமையில் ஒரு அறிவியலாளர் குழு இதனைப் பார்வையிடுவதற்கு யாழ்ப்பாணம் வந்தது.

1901 : அட்லாண்டிக் கடலூடாக முதன் முதலாக இங்கிலாந்தில் இருந்து கனடாவின் நியூபின்லாந்தில் வானொலி சமிக்கைகளை மார்க்கோனி பெற்றார்.

1911 : இந்தியாவின் தலைநகரம் கல்கத்தாவிலிருந்து டெல்லிக்கு மாற்றப்பட்டது.

1923 : இத்தாலியில் போ ஆற்றின் அணைக்கட்டு வெடித்ததில் 600 பேர் கொல்லப்பட்டனர்.

1939 : குளிர்காலப் போர்: பின்லாந்துப் படைகள் சோவியத் படைகளை டொல்வஜார்வி என்ற இடத்தில் இடம்பெற்ற சமரில் தோற்கடித்தன.

1940 : இங்கிலாந்தின் ஷெஃபீல்ட் நகரில் உணவுவிடுதி ஒன்றின் மீது ஜேர்மனிய விமானக்கள் குண்டு வீசியதில் 70 பேர் கொல்லப்பட்டனர்.

1941 : இரண்டாம் உலகப் போர்: பிரித்தானியா பல்கேரியாவின் மீதும், ஹங்கேரி, ருமேனியா ஆகியன ஐக்கிய அமெரிக்கா மீதும், இந்தியா, ஜப்பான் மீதும் போரை அறிவித்தன.

1941 : அமெரிக்கப் போர்க் கப்பல் வேக் தீவுக் கரைக்கப்பால் நான்கு ஜப்பானியக் கப்பல்களைத் தாக்கி மூழகடித்தது.

1941 : யூதர்களை வெளியேற்றும் திட்டத்தை அடொல்ஃப் ஹிட்லர் அறிவித்தார்.

1942 : நியூபின்லாந்தில் விடுதி ஒன்றில் இடம்பெற்ற தீயில் 100 பேர் கொல்லப்பட்டனர்.

1948 : மலேஷியாவில் நிலை கொண்டிருந்த ஸ்கொட்லாந்துப் படையைச் சேர்ந்த 14 பேர் பட்டாங் காலி என்ற இடத்தில் உள்ளூர்ப் பொதுமக்கள் 24 பேரைக் கொன்று கிராமத்தைத் தீ வைத்து எரித்தனர்.

1963 : ஐக்கிய இராச்சியத்திடம் இருந்து கென்யா சுதந்திரம் பெற்றது.

1979 : ரொடீசியாவின் பெயர் ஸிம்பாப்வே என  மாற்றப்பட்டது.

1984 : மௌரித்டேனியாவில் இடம்பெற்ற இராணுவப் புரட்சியில் ஜனாதிபதி முஹமமட் கவுனா ஹைடாலா பதவி அகற்றப்பட்டு மாவோவுயா சிட்'அஹமது டாயா புதிய ஜனாதிபதியானார்.

1985 : கனடாவின் நியூபின்லாந்தில் ஐக்கிய அமெரிக்காவின் 248 இராணுவத்தினரை ஏற்றிச் சென்ற விமானம் விபத்துக்குள்ளாகியதில் அதில் பயணஞ்செய்த அனைத்து 256 பேரும் கொல்லப்பட்டனர்.

1988 : லண்டனில் இரண்டு தொடருந்துகள் மோதியதில் 35 பேர் கொல்லப்பட்டு 100 பேருக்கு மேல் காயமடைந்தனர்.

1991 : ரஷ்யா சோவியத் ஒன்றியத்திடம் இருந்து சுதந்திரம் பெற்றது.

2000: அமெரிக்க ஜனாதிபதித் தேர்தல் தொடர்பாக ஜோர்ஜ் டபிள்யூ. புஷ், அல் கோர் ஆகியோருக்கிடையிலான பிணக்கு தொடர்பாக அமெரிக்க உயர் நீதிமன்றம் தனது தீர்ப்பை வெளியிட்டது.

2012 வடகொரிய  தனது முதலாவது செய்மதியை வெற்றிகரமாக ஏவியது.