Facebook ஆட்டம் காணுகிறது : Facebook உடனான தனது வியாபார உடன்படிக்கைகளை Viber இடைநிறுத்தியது

உலகின் முன்னணி தகவல் பரிமாற்ற app களில் ஒன்றாகத் திகழும் Rakuten Viber, Facebook உடனான தனது சகல வியாபார உடன்படிக்கைகளையும் இடைநிறுத்துவதாக அறிவித்துள்ளது. அதன் பிரகாரம் Facebook Connect, Facebook SDK மற்றும் GIPHY ஆகியவற்றை அகற்றுவதுடன், சமூக வலையமைப்பு கட்டமைப்பில் செலவிடும் சகல விளம்பரங்களையும் இடைநிறுத்துவதாக Viber அறிவித்துள்ளது. #StopHateForProfit எனும் கோரிக்கை வலுப்பெற்று வரும் நிலையில் இந்த தீர்மானத்தை மேற்கொண்டுள்ளதாக Viber அறிவித்துள்ளது. 

கடந்த சில வாரங்களாக அமெரிக்காவில் வலுப்பெற்றிருந்த போராட்டங்களின் மத்தியில், Anti- Defamation League மற்றும் NAACP ஆகிய அடங்கிய ஆறு அமைப்புகள் ஜுலை மாதம் முழுவதிலும் Facebook இல் விளம்பரப் பதிவுகளை மேற்கொள்வதை தவிர்க்குமாறு கோரியிருந்தன. வெறுப்புணர்வூட்டும் பதிவுகளை கட்டுப்படுத்த Facebook தவறியிருந்தமைக்கு எதிர்ப்புத் தெரிவிக்கும் வகையில் இந்த கோரிக்கையை ஆறு அமைப்புகளும் இணைந்து முன்வைத்திருந்தன. 

Cambridge Analytica scandal எனும் பலரும் அறிந்த 87 மில்லியன் Facebook பாவனையாளர்களின் தரவுகளை முறையற்ற வகையில் அணுகியிருந்தமை அடங்கலாக பல்வேறு தரவு தவறான கையாள்கைகளுக்கு மேலதிகமாக, வெறுப்புணர்வூட்டும் பதிவுகளை நீக்காமையை பிந்திய ஒப்பந்த மீறல் செயற்பாடாக காண்பதாக Viber குறிப்பிட்டுள்ளது. அதன் பிரகாரம், Facebook உடனான விளம்பர உடன்படிக்கைகளை இடைநிறுத்துவதனூடாக, #StopHateForProfit நடவடிக்கையை ஒரு படி முன்னால் கொண்டு செல்வதாகவும் Viber அறிவித்துள்ளது. 

Viber இன் பிரதம நிறைவேற்று அதிகாரி ஜமெல் அகாவுவா கருத்துத் தெரிவிக்கையில், ´இன்றைய உலகில் தனது செயற்பாடுகள் தொடர்பில் மோசமான தீர்மானத்தை Facebook வெளிப்படுத்தி வருகின்றது. தரவுகளை தவறாக கையாண்டமை முதல் அதன் app களில் போதியளவு பிரத்தியேகப் பாதுகாப்பு இன்மை வரையில் பொது மக்களை பாதுகாக்க வேண்டிய தேவை பெருமளவில் எழுந்துள்ளது. Facebook தனது எல்லையை மீறியுள்ளது. உண்மையை மறைக்க நாம் விரும்பவில்லை. வன்முறைகளைத் தூண்டும் சில பதிவுகளால் சில மக்கள் துன்பங்களை அனுபவிப்பதுடன் நிறுவனங்கள் இது தொடர்பில் தமது தீர்மானங்களை மேற்கொள்ள வேண்டும்.´ என்றார். 

2020 ஜுலை முற்பகுதியில் Viber app இலிருந்து Facebook உள்ளம்சங்களை நீக்கும் செயற்பாடுகள் முன்னெடுக்கப்படும். உடனடியாக அமுலுக்கு வரும் வகையில் விளம்பரங்களை இடுவது நிறுத்தப்பட்டுள்ளது.