துபையில் கிருஸ்தவ புத்தாண்டு தினத்தன்று இலவச பார்க்கிங் ~ பஸ், மெட்ரோ இயங்கும் நேரங்கள் அறிவிப்பு!

துபையில் கிருஸ்தவ புத்தாண்டு தினத்தன்று இலவச பார்க்கிங் மற்றும் பஸ், மெட்ரோ நேரங்கள் அறிவிப்பு.

துபையில் 2018 ஆங்கிலப் புத்தாண்டு எனும் கிருஸ்தவ புத்தாண்டு தினத்தன்று பொது விடுமுறை அனுசரிக்கப்படுகிறது. எனவே, 2 தினங்களுக்கு பார்க்கிங் கட்டணங்கள் செலுத்தத் தேவையில்லை, அதாவது ஞாயிறு மற்றும் திங்கள் ஆகிய இரு தினங்கள்.

30.12.2017 டிசம்பர் நள்ளிரவு 11.59 மணிமுதல் ஜனவரி 2 காலை 7.59 வரை பார்க்கிங் கட்டணம் செலுத்தத் தேவையில்லை என்றாலும் அடுக்குமாடி பார்க்கிங்களுக்கு இந்த உத்தரவு பொருந்தாது, பார்க்கிங் கட்டணம் இங்கு செலுத்த வேண்டும்.

துபை மெட்ரோ, ரெட் லைன்: 43 மணிநேரம் தொடர்ந்து இயங்கும்:

துபை மெட்ரோ ரயிலின் ரெட் லைன் சேவை டிசம்பர் 31 ஆம் தேதி அதிகாலை 5 மணிமுதல் ஜனவரி 2 ஆம் தேதி துவங்கும் நள்ளிரவு 12 மணிவரை தொடர்ந்து 43 மணி நேரத்திற்கு இயங்கும். ஜனவரி 2 ஆம் தேதி காலை முதல் மீண்டும் வழமைபோல் இயங்கும்.

துபை மெட்ரோ, கிரீன் லைன்:

துபை மெட்ரோ ரயிலின் ரெட் லைன் சேவை டிசம்பர் 31 ஆம் தேதி அதிகாலை 5.30 மணிமுதல் ஜனவரி 2 ஆம் தேதி துவங்கும் நள்ளிரவு 12 மணிவரை தொடர்ந்து இயங்கும். ஜனவரி 2 ஆம் தேதி காலை முதல் மீண்டும் வழமைபோல் இயங்கும்.

துபை டிராம்:

துபை டிராம் சேவை டிசம்பர் 31 ஆம் தேதி அதிகாலை 6 மணிமுதல் ஜனவரி 2 ஆம் தேதி துவங்கும் நள்ளிரவு 1 மணிவரை தொடர்ந்து இயங்கும். ஜனவரி 2 ஆம் தேதி காலை முதல் மீண்டும் வழமைபோல் இயங்கும்.

பஸ் நேரங்கள்:

மெட்ரோ லிங்க் பஸ்கள் ராஷிதியா, மால் ஆப் தி எமிரேட்ஸ், இப்னு பதூதா, புரூஜ் கலீபா, அபூ ஹைல் மற்றும் எதிசலாத் நிலையங்களிலிருந்து அதிகாலை 5 மணிமுதல் அடுத்த நாள் அதிகாலை 2 மணிவரை (இரவு) இயங்கும்.

கோல்டு சூக் பஸ் நிலையத்திலிருந்து அதிகாலை 4.25 மணிமுதல் அடுத்த நாள் நள்ளிரவு 00.29 (12.30) வரை இயங்கும்.

பர்துபை பஸ் நிலையத்திலிருந்து அதிகாலை 4.16 மணிமுதல் அடுத்த நாள் நள்ளிரவு 1 மணிவரை இயங்கும்.

Source: Gulf News

தமிழில்: நம்ம ஊரான்