மூன்றாவது போட்டியில் இலங்கை மகளிர் அணியை வீழ்த்தியது மே.இ.தீவுகள்

இலங்கை மகளிர் அணிக்கும் மேற்­கிந்­தியத் தீவுகள் மகளிர் அணிக்­கு­மி­டையில் நடை­பெற்ற ஒருநாள் சர்­வ­தேச கிரிக்கெட் போட்­டியில் மேற்­கிந்­தியத் தீவுகள் 18 ஓட்­டங்­களால் வெற்­றி­யீட்­டி­யது.

மேற்­கிந்­தியத் தீவுகள் மகளிர் அணி இலங்­கைக்கு சுற்­றுப்­ப­யணம் மேற்­கொண்டு விளை­யாடி வரு­கி­றது.

இந்தத் தொடரில் நேற்று நடை­பெற்ற மூன்­றா­வது போட்­டியில், நாணய சுழற்­சியில் வெற்­றி­பெற்ற மேற்­கிந்­தியத் தீவுகள் மகளிர் அணி முதலில் துடுப்­பெ­டுத்­தாடத் தீர்­மா­னித்­தது.

அதன்­படி முதலில் கள­மி­றங்­கிய மேற்­கிந்­தியத் தீவுகள் மகளிர் அணி நிர்­ண­யிக்­கப்­பட்ட 50 ஓவர்­களில் 3 விக்­கெட்­டுக்­களை மாத்­திரம் இழந்து 215 ஓட்­டங்­களைப் பெற்­றுக்­கொண்­டது.

மேற்­கிந்­தியத் தீவு­களின் ஆரம்பத் துடுப்­பாட்ட வீராங்கனை­க­ளாகக் கள­மி­றங்­கிய கெய்­சியா மற்றும் மத்­தேவுஸ் ஆகியோர் நிதா­ன­மாகத் துடுப்­பெ­டுத்­தாடி ஓட்­டக்­குவிப்பில் ஈடு­பட்­டனர். முறையே இரு­வரும் 34 மற்றும் 22 ஓட்­டங்­க­ளுடன் ஆட்­ட­மி­ழக்கm டெய்லர் 86 ஓட்­டங்­க­ளையும், டொட்டின் 69 ஓட்­டங்­க­ளையும் விளா­சினர். இரு­வரும் இறு­தி­வரை ஆட்­ட­மி­ழக்­காமல் களத்தில் நின்­றனர்.

50 ஓவர்கள் நிறைவில் மேற்­கிந்­தியத் தீவுகள் அணி 3 விக்­கெட்­டுக்­களை இழந்து 215 ஓட்­டங்­களைப் பெற்­றி­ருந்த வேளை மழை குறுக்­கிட்­டது. அதனால் டக்வொர்த் லூயிஸ் முறைப்­படி வெற்றி இலக்கு ஓட்ட எண்­ணிக்கை 189 ஓட்­டங்­க­ளாகக் குறைத்துக் கொடுக்­கப்­பட்­டது. அதன்­படி இலங்கை அணி 40.2 ஓவர்­களில் 189 ஓட்­டங்கள் பெற்றால் வெற்றி என்ற நிலையில் கள­மி­றங்­கி­யது. ஆனால் இலங்கை மகளிர் அணியால் 40.2 ஓவர்களில் 8 விக்கெட்டுக்களை இழந்து 170 ஓட்டங்களை மாத்திரமே பெற்றுக்கொள்ள முடிந்தது.

இதனால் இலங்கை மகளிர் அணி 18 ஓட்டங்களால் தோல்வியைத் தழுவிக்கொண்டது.-VK-