கர்ப்பப்பையில் பைபுரோயிட்கள் (fibroids) எவ்வாறு தோன்றுகின்றன?

கர்ப்­பப்பை என்­பது பெண்­களின் இனப்­பெ­ருக்க தொகு­தியின் ஒரு முக்­கிய உறுப்பு. இது பெண்­களின் அடிவயிற்­றுப்­ ப­கு­தியில் காணப்­படும். கர்ப்­பப்­பையின் இரு புறமும் ஒவ்­வொரு சூலகம் அமைந்­தி­ருக்கும்.

கர்ப்­பப்­பையின் உட்­சுவர் பகுதி என்­டோ­மெற்­றியம் (Endometrium) என்ற இழை­யத்­தினால் மூடப்­பட்­டி­ருக்கும். கர்ப்­பப்­பையின் வெளிச்­சுவர் பகுதி தடித்த தசைப்­ப­கு­தி­யினால்

ஆனது. இதனை மயோ­மெற்­றியம் (Myome trium) என அழைக்­கப்­படும். இந்த தசைப்­ப­கு­தி­யிலே ஏற்­படும் கட்­டி­களை பைபு­ரோயிட் (Fibroids) கட்­டிகள் என அழைக்­கப்­படும். இந்த கட்­டிகள் மிகச்­சி­றிய மாபிள் சைஸில் அல்­லது மிக மெது­வாக வரு­டக்­க­ணக்கில் வளர்ந்து மிகப்­பெ­ரிய கட்­டி­க­ளாக காணப்­படும்.

மிகப்­பெ­ரிய கட்­டி­க­ளாக வரும்­போது இவை பிரச்­சி­னை­களை தோற்­று­விக்­கின்­றன. இந்த Fibroids கட்­டிகள் புற்று நோய் அல்­லாத கட்­டிகள்.பொது­வாக இந்த கட்­டிகள் கர்ப்­பப்­பையின் தசைச்­சுவர் பகு­தி­யிலே உரு­வாகும். சில கட்­டிகள் கர்ப்­பப்­பையின் உள்­ப­கு­தியை நோக்கி வளர்ந்­தி­ருக்கும். சில கர்ப்­பப்­பையில் இருந்து வெளி­நோக்கி வளர்ந்­தி­ருக்கும்.

பைபு­ரோயிட் (Fibroids)ஒரு பொது­வான பிரச்­சி­னையா?

பெண்­களின் இனப்­பெ­ருக்க தொகு­தியில் ஏற்­ப­டக்­கூ­டிய பொது­வா­னதும் கூடு­த­லா­ன­து­மான பிரச்­சி­னையே இந்த பைபு­ரோயிட் (Fibroids). அதா­வது 50 வய­துக்கு கீழ்ப்­பட்ட 5 பெண்­களை எடுத்தால் அதில் ஒரு­வ­ருக்கு கட்­டாயம் Fibroids காணப்­படும். அதுவும் 40 வய­துக்கு கிட்­ட­வுள்ள பெண்­களில் இது கூடு­த­லாக காணப்­படும். அத்­துடன் கர்ப்­பமே தரிக்­காமல் இருக்கும் பெண்­க­ளிலே இது கூடு­த­லாக காணப்­படும் ஒரு பிரச்­சினை.

இந்த பைபு­ரோயிட்எதனால் ஏற்­ப­டு­கின்­றது?

இது எதனால் ஏற்­ப­டு­கின்­றது என்று சரி­யாக கூற முடியா விட்­டாலும் இவை வளர்­வது மாத­விடாய் முடிந்­ததும் அதா­வது மெனோபோஸ் (Menopause) பருவம் வந்­த­வுடன் தடைப்­பட்டு விடும். அதா­வது மெனோபோஸ் பரு­வத்தின் பின் இந்த பைபு­ரோ­யிட்கள் சுருங்கி போய் விடு­கின்­றன. இதனால் இவை சூல­கத்­தினால் சுரக்­கப்­படும் ஹோர்மோன் (Hormone) ஈஸ்­ரஜன் (Oestrogen) தூண்­டு­த­லால்தான் வளர்­கின்­றது. மெனோபோஸ் (Menopause) பரு­வத்தின் பின்னர் சூல­கங்கள் ஈஸ்­ரஜன் சுரப்­ப­தில்லை.

இதனால் பைபு­ரோ­யிட்கள் வள­ரு­வதும் இல்லை. பைபு­ரோ­யிட்கள் கர்ப்­ப காலங்­களில் நன்­றாக வள­ரு­கின்­றன. காரணம் கூடு­ த­லான அளவில் ஈஸ்­ரஜன் (Oestrogen) உடம் பில் இருப்­ப­தனால் இந்த கட்­டிகள் பரம்பரை யாக தோன்­றக்­கூ­டிய ஒரு பிரச்­சினை. அதா­வது தாய்க்கோ அல்­லது பெண் சகோ­த­ரிக்கோ இருந்தால் பிள்­ளை­க­ளுக்கும் இந்த பிரச்­சினை

தோன்­றக்­கூ­டிய வாய்ப்­புள்­ளது.

என்ன நோய் அறி­கு­றிகள் ஏற்­ப­டு­கின்­றன?

கூடு­த­லா­ன­வர்­களில் எந்த நோய் அறி­கு­றி­களும் வெளிப்­ப­டு­வ­தில்லை. இதனால் அவர்­க­ளுக்கு பைபு­ரோயிட் (Fibroids) இருப்­பது தெரி­யா­மலே இருந்து விடு­கின்­றது. அவர்கள் பரி­சோ­திக்கும் போதே தற்­செ­ய­லாக கண்டு பிடிக்­கப்­ப­டு­கின்­றது. நோய் அறி­கு­றிகள் இந்த கட்­டிகள் பெரி­தாக வளரும் போது தோற்­று­விக்­கப்­ப­டு­கின்­றது. அதா­வது வயிற்றில் ஒரு­வி­த­மான பாரம் மற்றும் வயிறு ஊதுதல் போன்­றன சிலரில் ஏற்­படும். இன்னும் ஒரு சிலரில் அதி­கப்­ப­டி­யான மாத­விடாய் போக்கு அதா­வது, மாத­விடாய் கட்டி கட்­டி­யாக குருதி வெளி­யேற்றம் ஏற்­பட வாய்ப்­புள்­ளது.

இதன்­போது வயிற்று வலியும் ஏற்படும். இவ்­வா­றான அதி­கப்படியான குரு­திப்­போக்­கினால் அவ­ரது உடலில் இரத்த அளவு குறைந்து குரு­திச்­சோகை ஏற்­படும். இதனால் களைப்பும் சோர்வும் ஏற்­படும். இந்த கட்­டிகள் பொது­வாக வயிற்று வலியை தோற்­று­விக்­காது. ஆனால் ஒரு சிலரில் மட்டும் நாரிப்­பி­டிப்பு அடி வயிற்­று­வலி என்­பன

ஏற்­படும்.

இந்த கட்­டிகள் மிகப் பெரி­தாக வளர்ந்து அருகிலுள்ள உறுப்­புக்­களை அழுத்­து­வ­தனால் சிறுநீர் கழிப்­பதில் சிக்கல், மலம் கழிப்­பதில் சிக்கல் ஏற்­பட சந்­தர்ப்பம் உள்­ளது. இந்த பைபு

ரோயிட் கட்­டிகள் கருத்­த­ரித்­தலை தாமதப்ப­ டுத்தி குழந்தை பாக்­கியம் இல்­லாத தன்­மை யை ஏற்­ப­டுத்த வாய்ப்­புள்­ளது. இப்­ப­டியான ஏதேனும் அறி­கு­றிகள் உங்­க­ளுக்கு இருந்தால் நீங்கள் வைத்­திய ஆலோ­ச­னையை பெறு­வது சிறந்­தது.

எவ்­வாறு பைபு­ரோயிட் கட்­டிகள் கண்­டு­பி­டிக்­கப்­படும்?

பொது­வாக இவை தற்செய லாகக் கண்­டு­பி­டிக்­கப்­ப­டுகி றது. அதா­வது, உங்­க­ளது வைத்­தியர் உங்­களை பரி­சோ­திக்கும் போது உங்­க­ளது கர்ப்­பப்பை வீங்கி இருப்­பதில் இருந்து கட்டி இருப்­ப­தாக சந்­தே­கிப்பார். பின்னர் ஒரு ஸ்கான் (Ultra Sound Scan) செய்யும் போது இவை உறு­திப்­ப­டுத்­தப்­படும். கட்­டி­களின் எண்­ணிக்கை கட்­டியின் அளவு என்­பவை ஸ்கான் மூலம் அறிந்து கொள்­ளலாம்.

எவ்­வா­றான சிகிச்­சைகள் மேற்­கொள்­ளப்­ப­டு­கின்­றன?

சிகிச்­சைகள் நோய் அறி­கு­றி­களை பொறு த்து தீர்­மா­னிக்­கப்­ப­டு­கின்­றன. அதா­வது இர ண்டு முறை­யான சிகிச்சை முறைகள் உள் ­ளன. மருந்­துகள் மூலம் குணப்­ப­டுத்தல் மற்றும்

சத்­திர சிகிச்­சைகள் மேற்­கொள்­வதே இந்த இரண்டு முறைகள் ஆகும்.

இந்தக் கட்­டிகள் சிறி­தா­கவும் நோய் அறி­கு­றி­களை தோற்­று­விக்­கா­மலும் இருந்தால் உங்­க­ளுக்கு எந்த சிகிச்­சை­யுமே தேவை­யில்லை. ஆனால் நீங்கள் சிறிது காலத்தின் பின்னர் வைத்­திய பரி­சோ­தனை மேற்­கொண்டு பார்க்க வேண்டும்.

நோய் அறி­கு­றி­களை தோற்­று­விக்கும் கட்­டி கள் அல்­லது பெரி­தாக வளர்ந்­துள்ள கட்­டிகள் சிகிச்சை தேவை­யா­னவை. சிகிச்சை முறை உங்­க­ளது வயது, நீங்கள் மீண்டும் குழந்தை பெறும் எண்ணம் உள்­ள­வரா மற்றும் உங்­க­ளது நோய் அறி­கு­றி­களின் உக்­கிரம் என்­ப­வற்­றுடன் உங்­க­ளது தனிப்­பட்ட விருப்பம் என்­ப­வற்றை கருத்தில் கொண்டு தீர்­மா­னிக்­கப்­படும்.

எவ்­வா­றான சத்­திர சிகிச்­சைகள் உள்­ளன?

இரண்டு வகை­யான சத்­திர சிகிச்சை முறை கள் உள்­ளன. ஒன்று கட்­டியை மட்டும் அகற்­றுதல் மற்­றது கர்ப்­பப்­பை­யையும் கட்­டி­யுடன் சேர்த்து அகற்­றுதல்.

வயது குறைந்த பெண்கள் மற்றும் மீண்டும் கருத்­த­ரிக்கும் எண்ணம் உள்ள பெண்­களில் கட்­டியை மட்டும் அகற்­றுவோம். (Myom ectomy) இதன் போது கர்ப்­பப்பை பாது­காப்பாக

தங்க விடப்­ப­டு­கி­றது. இது முழு மயக்கம் கொடுத்து செய்­யப்­படும். இதற்கு எடுக்கப்­ப டும் நேரம் கட்­டி­களின் எண்­ணிக்­கை­யையும் பரு­ம­னையும் பொறுத்து 1-2 மணித்­தி­யா­லங் கள் எடுக்கும். இதன் பின்னர் நீங்கள் வேண்­டு­மானால் கருத்­த­ரிக்­கலாம். ஆனால் இந்த சிகிச்சை முறையில் பின்னர் மீண்டும் கட்டி ஏற்­பட வாய்ப்­புள்­ளது.

சற்று வயது கூடிய பெண்­களில் அதா­வது 40 வய­தையும் தாண்­டி­ய­வர்கள் மீண்டும் கருத்­த­ரிக்கும் எண்ணம் இல்­லா­த­வர்­களில் கர்ப்­பப்­பையும் கட்­டியும் முற்­றாக அகற்­றப்­படும். (Hysterectomy) இதன் போது கட்­டாயம் சூல­கங்கள் (Ovaries) அகற்­றப்­பட வேண்­டிய அவ­சியம் இல்லை.இது உங்­க­ளிடம் சத்­திர சிகிச்­சைக்கு முன்னர்

கலந்து ஆலோ­சித்து முடிவு எடுக்­கப்­படும். சூல­கங்கள் அகற்­றப்­பட்டால் உங்­களுக்கு ஹோர்மோன் மாத்­தி­ரைகள் உட்­கொள்ள நேரி டும். இதன் போதே மெனோ போஸ் அறி­கு­றி கள் கட்­டுப்­ப­டுத்­தப்­படும். இவ்­வா­றான கட்­டி­ யுடன் சேர்த்து கர்ப்­பப்­பையும் அகற்றும் போது மீண்டும் கட்டி ஏற்­பட வாய்ப்­பில்லை என்­பது ஒரு அனு­கூலம்.

என்ன வகை­யான மருந்து வகைகள் இதன் சிகிச்­சையில் வழங்­கப்­படும்?

ஈஸ்­ரஜன், ஹோர்­மோனே பைவுரோஸ் வளர்ச்­சிக்கு காரணம். இந்த ஈஸ்­ரஜன் ஹோர்­மோனை கட்­டுப்­ப­டுத்­து­கின்ற மருந்­து­களே பைவு­ரோ­யிட்டின் வளர்ச்­சி­யையும் கட்­டுப்­ப­டுத்தி சிறி­தாக்கும். இதனை Gnrh ஊசி என்று அழைக்­கப்­படும். இது ஒரு தற்­கா­லிக சிகிச்சை முறையே. இதனை நிறுத்திய பின் கட்டி மீண்டும் வளர ஆரம்பிக்கும். அத்துடன் இந்த ஊசியின் விலையும் அதிகம். இதனால் இது எமது நாட்டில் அதிகம் பிரபல்யம் அடை யவில்லை.

பைபுரோயிட்டு இருக்கும் போது கர்ப்ப காலங்களில் ஏற்படக்கூடிய சிக்கல்கள் எவை?

பைபுரோயிட்டின் அளவிலும் இருக்கும் இடத்திலும் பொறுத்து கருத்தரித்தல் தாமதம் அடையலாம். அவ்வாறு கருத்தரித்தால் ஒரு பகுதியினரில் எந்த பிரச்சினையும் இல்லா மல் கர்ப்பிணி காலம் நிறைவு பெற்று சாதாரண பிரசவம் நடைபெறும். மறு பகுதியினரால் கருச்சிதைவு திகதிக்கு முந்திய பிரசவம் பிரசவச் சிக்கல்கள் என்பன ஏற்பட வாய்ப்புள்

ளது. எனினும் கர்ப்ப காலங்களில் பைபு ரோயிட்டுக்கு என ஒரு சிகிச்சையும் வழங்கு வதில்லை.

டாக்டர் சுஜாகரன் நியூலங்கா மகப்பேற்று மருத்துவமனை பம்பலபிட்டி