வரலாற்றில் இன்று ஜூலை: 07

1456 : பிரெஞ்சு வீரப் பெண்ணான ஜோன் ஆஃப் ஆர்க் குற்றமற்றவள் என அவள் தூக்கிலிடப்பட்டு 25 ஆண்டுகளின் பின்னர் தீர்ப்பளிக்கப்பட்டது.

1543 :  லக்ஸம்பேர்க்கை பிரான்ஸ் முற்றுகையிட்டது.

1807 : நெப்போலியன் தலைமையிலான பிரான்ஸுக்கும் ரஷ்ய மற்றும் பிரஷ்யாவுக்கும் இடையில் சமாதான உடன்பாடு ரஷ்யாவின் டில்சிட் என்ற இடத்தில் எட்டப்பட்டது.

1865 : ஆபிரகாம் லிங்கன் கொலையில் குற்றவாளிகளான நான்கு பேர் தூக்கிலிடப்பட்டனர்.

1896 : இந்தியாவில் முதற் தடவையாக பம்பாயில் திரைப்படம் காண்பிக்கப்பட்டது.

1898 : ஹவாய் தீவை ஐக்கிய அமெரிக்காவுடன் இணைக்கும் முடிவில் ஜனாதிபதி வில்லியம் மக்கின்லி கைச்சாத்திட்டார்.

1917 : ரஷ்யப் புரட்சி: ரஷ்யாவின் இடைக்கால அரசின் பிரதமர் இளவரசர் கியோர்கி லுவோவ் பதவியைத் துறந்தார். அலெக்ஸாண்டர் கெரென்ஸ்கி பிரதமரானார்.

1941 : இரண்டாம் உலகப் போரில் ஜெர்மனியின் தலையீட்டைத் தடுப்பதற்காக அமெரிக்கப் படைகள் ஐஸ்லாந்தில் தரையிறங்கின.

1941 : இரண்டாம் உலகப் போரின்போது லெபனானின் பெய்ரூட் நகரம் பிரித்தானியரால் கைப்பற்றப்பட்டது.

1953 : பொலிவியா ஊடாக பெரு, நிக்கரகுவா, ஹொண்டுராஸ், எல் சல்வடோர் போன்ற நாடுகளுக்கான தனது பயணத்தை சே குவேரா ஆரம்பித்தார்.

1959: அலஸ்கா பிராந்தியத்தை அமெரிக்காவின் மாநிலமாக இணைக்கும் சட்டத்தில் அமெரிக்க ஜனாதிபதி ஐஸன்ஹோவர் கையெழுத்திட்டார்.

1959 : வெள்ளிக் கோள், ரெகூலஸ் என்ற விண்மீனை மறைத்தது. இந்நிகழ்வு வெள்ளியின் விட்டம் மற்றும் அதன் வளிமண்டலம் போன்றவற்றை அளப்பதற்கு உதவியது.

1967 : நைஜீரியாவின் பயாஃபரா பிராந்தியத்தில் உள்நாட்டுப் போர் ஆரம்பமானது.

1969 : கனடாவில் பிரெஞ்சு மொழியும் ஆங்கிலத்துடன் இணைந்து அதிகாரபூர்வ மொழியாக அங்கீகரிக்கப்பட்டது.

1978 :  ஐக்கிய இராச்சியத்திடமிருந்து சொலமன் தீவுகள் விடுதலை பெற்றது.

2005 : லண்டனில் 4 சுரங்க ரயில்களிலும் பஸ்ஸிலும் இடம்பெற்ற தொடர் குண்டுவெடிப்புகளில் 56 பேர் கொல்லப்பட்டு சுமார் 700 பேர் காயமடைந்தனர்.

2006 : சீனாவில் சுரங்கம் தோண்டுவதற்காக வீடொன்றில் வைக்கப்பட்டிருந்த வெடிபொருள் வெடித்ததில் 43 பேர் கொல்லப்பட்டனர்.

2007 : புதிய ஏழு உலக அதிசயங்கள் பட்டியல் வெளியிடப்பட்டது. இந்தியாவின் தாஜ் மகால் புதிய 7 உலக அதிசயங்களில் ஒன்றாகத் தேர்ந்தெடுக்கப்பட்டது.

2012: ரஷ்யாவில் வெள்ளம் காரணமாக 172 பேர் உயிரிழந்தனர்.

✔ Like US: https://www.facebook.com/kalpitiyavoice
✔ Follow Us: https://twitter.com/kalpitiyavoice
✔ Follow Us in Groups: https://www.facebook.com/groups/kalpitiyavoice