66ஆவது சுதந்திர தின தேசிய விழா கேகாலை நகரில்

இலங்கையின் 66ஆவது சுதந்திரத்தின தேசிய விழா இம்முறை கேகாலை

நகரில் ஜனாதிபதி மஹிந்த ராஜபக்ஷ தலைமையில் நடைபெறவுள்ளது.

எதிர்வரும் பெப்ரவரி நான்காம் திகதி கொண்டாடப்படவுள்ள சுதந்திரத்தினத்தின் தொனிப்பொருள் 'ஒற்றுமையைக் கட்டியெழுப்புவோம்- உலகை வென்ற நாட்டில்' என்பதாகும். சுதந்திரத் தினத்தை முன்னிட்டு எதிர்வரும் பெப்ரவரி மாதம் இரண்டாம் திகதி கொழும்பு 7 ல் அமைந்துள்ள சுதந்திரச் சதுக்கத்தில் சமய அனுஷ்டானங்களும் ஏற்பாடு செய்யப்பட்டுள்ளன.

சுதந்திரத் தினத்தில் தேசிய கீதத்தைப் பாடுவதற்கான அகில இலங்கை ரீதியாக பாடசாலை மாணவ மாணவிகள் 110 பேர் கலந்துகொள்ளவுள்ளனர். கலாசார ஊர்வலமொன்றும் இதன்போது ஏற்பாடு செய்யப்பட்டுள்ளது.

இம்முறை முப்படையினர்- பொலிஸார்- சிவில் பாதுகாப்பு படை- தேசிய மாணவர் படை மற்றும் இளைஞர் படையணியை பிரதிநிதித்துவப்படுதும் 3500 பேர் இந்த ஊர்வலத்தில் கலந்துகொள்ளவுள்ளனர்.