ஹஜ் யாத்ரீகர்களுக்கு ஹஜ் செய்வது எவ்வாறு என்பது குறித்து வழிகாட்டும் விளக்கப்படம் சவுதி விமானங்களில்

நடப்பு வருட ஹஜ் யாத்திரைக்காக சவுதி அரேபியன் ஏர்லைன்ஸ் பல்வேறு சிறப்பு ஏற்பாடுகளை செய்துள்ளது.

உள்நாடு மற்றும் உலக முழுவதிலிருந்தும் ஹஜ் பயணிகளை ஏற்றி வர, திரும்பி கொண்டு செல்ல 165 விமானங்களை பயன்படுத்தவுள்ளது. இவற்றில் 17 புத்தம்புதிய விமானங்கள். இவை உலகெங்கிலுமிருந்து ,100க்கு மேற்பட்ட விமான நிலையங்களில் இருந்து ஏறக்குறைய 1.2 மில்லியன் பயணிகளை சுமந்து வரவுள்ளது. இது கடந்த வருடத்தை விட 10% கூடுதலாகும்.

சவுதி அரேபியன் விமானங்களில் பயணிக்கும் பல்வேறு மொழிகளை பேசும் ஹஜ் யாத்ரீகர்களின் தேவையறிந்து உதவுவதற்காக பன்மொழிகளில் புலமையுடைய விமான பணியாளர்களை பணியமர்த்தியுள்ளது.

ஹஜ் யாத்ரீகர்களுக்கு ஹஜ் செய்வது எவ்வாறு என்பது குறித்து வழிகாட்டும் விளக்கப்படம் விமானத்தில் திரையிடப்படுவதுடன் (Screen onboard films to guide the pilgrims on the correct methods of performing the pilgrimage) ஹஜ் கிரிகைகள் குறித்து விழிப்புணர்வூட்டும் கையேடுகள் (Booklets) மற்றும் துண்டுப் பிரசுரங்களும் (Pamphlets) வழங்கப்படுகின்றன.

ஹஜ் யாத்ரீகர்கள் தங்களின் பயண உறுதி குறித்து கவலையின்றி வணக்க வழிபாடுகளில் கவனம் செலுத்திடும் வகையில் வருவதற்கும் திரும்பச் செல்வதற்கும் தேவையான போர்டிங் பாஸுகள் பயண தேதிக்கு பல நாட்களுக்கு முன்பே வழங்கப்படுகின்றன.

Source: Saudi Gazette

தமிழில்: நம்ம ஊரான்