பொத்துவில் மத்திய கல்லூரியின் வருடாந்த இல்ல விளையாட்டுப்போட்டி (படங்கள் இணைப்பு)

அபு அலா - 

பொத்துவில் மத்திய கல்லூரியின்வருடாந்த இல்ல விளையாட்டுப்போட்டி  (25) 24 ஆம் திகதி புதன்கிழமை பாடசாலை மைதானத்தில் இடம்பெற்றது.

பாடசாலையின் அதிபர் எம்.எம்.எஸ்.அப்துல் ஹக்கீம் தலைமையில் இடம்பெற்ற இந்நிகழ்வுக்கு விளையாட்டுத்துறை பிரதி அமைச்சரும், ஸ்ரீலங்கா முஸ்லிம் காங்கிரஸின் பிரதித் தலைவருமான சட்டத்தரணி எச்.எம்.எம்.ஹரீஸ் பிரதம அதிதியாக கலந்து கொண்டார்.

இந்நிகழ்வுக்கு கிழக்கு மாகாண சுகாதார அமைச்சர் ஏ.எல்.எம்.நஸீர் கௌரவ அதிதியாகவும், அக்கரைப்பற்று வலயக் கல்விப் பணிப்பாளர் ஏ.எல்.எம்.ஹாசீம், பொத்துவில் பிரதேச செயலாளர் என்.எம்.எம்.முஸர்ரத் ஆகியோர் விசேட அதிதிகளாகவும் பொத்துவில் உப வலயக் கல்விப் பணிப்பாளர் என்.அப்துல் வஹாப், பொத்துவில் கோட்டக் கல்விப் பணிப்பாளர் எம்.ஏ.எம்.புகாரி, பொத்துவில் பிரதேச சபையின் முன்னாள் தவிசாளர்களான எம்.எஸ்.எம்.மர்சூக், எம்.எம்.வாசித், பிரதேச சபை உறுப்பினர்களான எம்.பதுர்கான், எம்.எஸ்.எம்.முபாறக் உள்ளிட்டோர் அதிதிகளாகவும் மற்றும் பாடசாலை அதிபர்கள், ஆசிரியர்கள் என பலரும் கலந்து கொண்டனர்.

நிகழ்வின் பிரதம அதிதி பிரதி அமைச்சர் ஹரீஸ் உள்ளிட்ட அதிதிகளுக்கு பாடசாலை நிர்வாகத்தினரால் மகத்தான வரவேற்பு வழங்கப்பட்டது.

இதன்போது மாணவர்களுக்கான மெய்வல்லுனர் போட்டிகள், அஞ்சலோட்டப் போட்டிகள், மாணவர்களின் அணி வகுப்பு மற்றும் உடற்பயிற்சி நிகழ்சிகளும் இடம்பெற்றன.

நடைபெற்ற இல்ல விளையாட்டுப் போட்டியில் 345 புள்ளிகளைப் பெற்று சபா இல்லம் இவ்வருடத்திற்கான சம்பியனானது. 323 புள்ளிகளைப் பெற்று ஹிறா இல்லம் இரண்டாம் இடத்தையும், 300 புள்ளிகளைப் பெற்று அறபா இல்லம் மூன்றாம் இடத்தையும் பெற்றன.

இதைத்தொடர்ந்து போட்டிகளில் வெற்றி பெற்ற மாணவர்களுக்கு பதக்கங்கள், வெற்றிக் கிண்ணங்களை பிரதி அமைச்சர் மற்றும் கிழக்கு மாகாண சுகாதார அமைச்சர் உள்ளிட்ட அதிதிகளால் வழங்கி வைக்கப்பட்டது.