முள்ளங்கியை உண்பதால் ஏற்படும் நன்மைகள்

உணவே மருந்து மருந்தே உணவு என்று நம் முன்னோர்கள் சொல்வார்கள். அந்த வகையில் நாம் தினமும் உண்ணும் காய் வகைகளில் பல்வேறு மருத்துவ குணங்கள் உள்ளன.

அதேபோல் முள்ளங்கியில் பல்வேறு வகையான மருத்துவ குணங்கள் உள்ளன. இதில் வெள்ளை முள்ளங்கி மட்டுமே மருத்துவ குணம் கொண்டது, சிவப்பு முள்ளங்கி சுவைக்காக மட்டுமே பயன்படுத்தப்படுகிறது.

நாம் இப்போது முள்ளங்கியை உண்பதால் ஏற்படும் நன்மைகள் சிலவற்றை பார்ப்போம்.

முள்ளங்கி உடலுக்கு தேவையான விற்றமின் சத்துக்களையும் தாது உப்புக்களையும் வழங்குகின்றது.

முள்ளங்கியில் கால்சியம் மற்றும் கந்தகமும், பாஸ்பரசும் அதிகம் காணப்படுகிறது.

முள்ளங்கிக் கீரையில் அதிகமான கால்சியம் இருப்பதால் கர்ப்பிணிகளுக்கும், பாலூட்டும் தாய்மார்களுக்கும் மிகவும் நல்லது.
முள்ளங்கியில் அதிக நோய் எதிர்ப்பு சக்தி உள்ளன.

உடலுக்கு குளிர்ச்சியைத் தரும் இயல்புடையது முள்ளங்கி, கோடை காலத்தில் ஏற்படும் உடல் சூட்டை தணிப்பதில் முள்ளங்கி முக்கிய பங்கு வகிக்கிறது.
முள்ளங்கியின் கிழங்கு, இலை, விதை ஆகிய மூன்றுமே மருத்துவ குணம் கொண்டது.

பச்சிளம் குழந்தைகளுக்கு வரும் ஜலதோஷம், வயிற்றுப் பிரச்சனைகளுக்கு முள்ளங்கிப் பிஞ்சு சாறு சிறந்த மருந்தாகும்.

முள்ளங்கி சாறுடன் கொஞ்சம் தேன் அல்லது சர்க்கரை கலந்து கொடுத்தால் மலச்சிக்கல், சளித் தொந்தரவு போன்ற பிரச்சினைகள் தீரும்.

சிறுநீர்ப் பாதையில் பிரச்சினை உள்ள, சிறுநீர்ப்போக்கு இயல்பாக  இருக்கும் பெரியவர்களும் இந்த முள்ளங்கிச் சாற்றைக் குடிக்கலாம். இரத்தத்தில் உள்ள குளுக்கோஸின் அளவை கட்டுப்படுத்தும் ஆற்றல் முள்ளங்கிக்கு உள்ளது.

நீரிழிவு நோயாளிகளுக்கு இது சிறந்த பயனளிக்கும்.