மொபிடெல், தொல்பொருள் திணைக்களத்துடன் இணைந்து புத்தமைவான மொபைல் அப்ளிகேஷனான ‘HeritageSL’ஐ அறிமுகம் செய்துள்ளது. இந்த அப்ளிகேஷன் மூலமாக பொதுமக்களுக்கு இலங்கையின் தொல்பொருள் மற்றும் கலாசார பாரம்பரியம் பற்றி அறிந்து கொள்வதற்கு வரையறைகளற்ற இலவச வாய்ப்பு ஏற்படுத்தப்பட்டுள்ளது.
இடம்-அடிப்படையாக கொண்ட இந்த அப்ளிகேஷனை மொபிடெல் வடிவமைத்து தயாரித்துள்ளது. இலங்கை தொல்பொருள் திணைக்களத்தின் 125 ஆவது வருட நிறைவை குறிக்கும் வகையில் இந்த அப்ளிகேஷன் iBeacon தொழில்நுட்பத்தில் தயாரிக்கப்பட்டுள்ளது.
தொழில்நுட்ப ரீதியில் மிகவும் வினைத்திறன் வாய்ந்த மொபைல் அப்ளிகேஷனாக ‘HeritageSL’அமைந்துள்ளது. இதன் மூலமாக பாரம்பரிய ஆய்வுகளின் மூலமாக கண்டறிய முடியாத பிரதான தொல்பொருள் பகுதிகள் மற்றும் கலைப்பொருட்கள் பற்றிய விபரங்களை வழங்கும் வகையில் இந்த அப்ளிகேஷன் அமைந்துள்ளது.
பாவனையாளர்களுக்கு நட்புறவான வகையில், இலங்கையின் தேசிய பாரம்பரியம் பற்றிய ஏராளமான இடங்களின் தகவல்களை பிரத்தியேகமான மொபைல் அனுபவத்தினூடாக மொபிடெல் வழங்குகிறது.
தேசிய பாரம்பரியம் மற்றும் தொல்பொருள் பெறுமதிகளை தேசிய எல்லைகளுக்கப்பால் பிரசாரப்படுத்த இலங்கை தொல்பொருள் திணைக்களத்துக்கு இவ் அப்ளிகேஷன் உதவும் வகை
யிலமைந்துள்ளது. இந்த ஊடகத்தினூடாக பெற்றுக் கொள்ளப்படும்
தகவல்களை பிரசுரங்கள், பயிற்றுவித்தல், பொதுசெயற்பாடுகள், தொடர்பாடல்கள் மற்றும் இலங்கையின் பாரம்பரியம் மற்றும் வரலாற்றுடன் தொடர்புடைய விபரங்களில் பயன்படுத்த முடியும்.
0 Comments