KV FRIDAY Special செட்டிநாடு பெப்பர் சிக்கன்

தேவையான பொருட்கள்:

சிக்கன் – 1/2 கிலோ

சின்ன வெங்காயம் – 15

தக்காளி – 1

பூண்டு – 10 பல் 

இஞ்சி பூண்டு விழுது- 1 1/2 ஸ்பூன் 

கொத்தமல்லி தழை - சிறிதளவு

வறுத்து அரைக்க:

மிளகு – 3 ஸ்பூன்

சீரகம் – 3 ஸ்பூன்

சோம்பு -2 ஸ்பூன்

வெந்தயம் – 1 ஸ்பூன்

வர மிளகாய் – 3

தாளிக்க:

சோம்பு -1 ஸ்பூன்

பட்டை 

லவங்கம் 

அண்ணாசி பூ 

கல் பாசி

செய்முறை :

* தக்காளி, வெங்காயத்தை பொடியாக நறுக்கிக் கொள்ளவும்.

* சிக்கனை நன்றாக சுத்தம் செய்யவும்.

* மிளகு, சீரகம், சோம்பு, வெந்தயம், வர மிளகாயை வெறும் கடாயில் வறுத்து ஆற வைத்து பொடித்து கொள்ளவும்.

* கடாயில் எண்ணெய் ஊற்றி தாளிக்க கொடுத்துள்ள பொருட்களை போட்டு தாளித்து சின்ன வெங்காயம், தக்காளி, பூண்டு இஞ்சி விழுது ஆகியவற்றை போட்டு வதக்கி சிக்கன், மஞ்சள் தூள் மற்றும் உப்பு ஆகியவற்றையும் போட்டு நன்றாக வதக்கவும்.

* பின் தண்ணீர் ஊற்றி நன்றாக கொதிக்கவிட்டு சிக்கன் 3/4 பதம் வெந்தவுடன் வறுத்து அரைத்த பொடியை போட்டு மீண்டும் நன்றாக கொதிக்க விட்டு கொத்தமல்லி தழை தூவி இறக்கவும்.

• மிகவும் சுவையான செட்டிநாடு பெப்பர் சிக்கன் ரெடி.