இலங்கையின் கனவு தகர்ந்தது - சங்கா, மஹேல விடைபெற்றனர்

தென் ஆபிரிக்கா-இலங்கை அணிகளுக்கிடையிலான இன்றைய காலிறுதிப் போட்டியில் தென் ஆபிரிக்க அணி வெற்றி பெற்றுள்ளது. 

134 என்ற வெற்றி இலக்குடன் களமிறங்கிய தென் ஆபிரிக்க அணி 18 ஓவர்களில் 1 விக்கெட் இழப்பிற்கு வெற்றி இலக்கை எட்டியது.

தென் ஆபிரிக்க அணி சார்பில் களமிறங்கிய டி கொக் ஆட்டமிழக்காமல் 78 ஓட்டங்களைப் பெற்றுக் கொண்டார்.

நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாட தீர்மானித்தது.

இதன்படி, இலங்கை அணி 133 ஓட்டங்களுக்கு சகல விக்கெட்டுக்களையும் இழந்தது.

இலங்கை சார்பில் அதிகூடிய ஓட்டங்களை (45) சங்கக்கார பெற்றுக்கொடுத்தார்.

போட்டியில் 4 விக்கெட்டுக்களை வீழ்த்திய இம்ரான் டஹிர் ஆட்ட நாயகனாக தெரிவு செய்யப்பட்டார்.