மௌனத்தின் சப்தம்

சப்தமாய் ஓர் மௌனமும்

மௌனமாய் ஓர் சப்தமும்

என் காதுகளில் விழுகிறது

வாயிருந்தும் ஊமையாய்

காதிருந்தும் செவிடனாய்

நான் ஆகிக் கொண்டிருக்கிறேன்

வயதறியாத வாலிபம்

கட்டுக்கடங்கா வீர ஓட்டம்

கால வேகத்தில் தன்னையறியா

இளைஞர் யுவதிகளின் இதயங்கள்

சப்தமிட்டே மௌனித்துப் போயின

விவாகரத்தின் விழிம்பில்

ஓர் ஜோடியின் வாழ்வு

சிற்றின்ப சுகம் தேடி

தலை தெறிக்க ஓடி வந்தவர்கள்

வாழத் தெரியா வாழ்க்கை

மௌனித்துப் போனது

கைக் கூலி கால்க் கூலி

ஏதும் வேண்டாம் வீடு போதும்

திருமணப் பேரம் பேசலில்

விலை போகாத பெணின்

கண்களிரண்டும் அழுததழுதே

மௌமாய் சப்தமிடுகிறது

குடிகாரக் கணவன்

சொல்லுக்கடங்கா பிள்ளை

திக்கித் திணறியே வாழும்

அவள் வாழ்க்கை

சப்தமாய் மௌனிக்கிறது

கள்ளக் காதலன்

சந்தேக வாழ்க்கை

வெறுத்துப் போன கணவன்

இதயம் வெடித்தே

மௌனமாய் சப்தமிடுகிறது.

‪#‎நுஸ்ரி‬

07.03.2015