பாராளுமன்ற உறுப்பினர் சஜின் டி வாஸ் குணவர்தனவிற்கு சொந்தமானது என கூறப்படும் விமான நிறுவனமொன்றினால் பயன்படுத்தப்பட்டதாக கூறப்படுகின்ற பொருட்களை கொண்டு செல்லும் விமானமொன்று கட்டுநாயக்க சர்வதேச விமான நிலையத்தில் நிறுத்திவைக்கப்பட்டுள்ளது.
பாராளுமன்ற உறுப்பினர் சஜின் டி வாஸ் குணவர்தனவிற்கு சொந்தமானது என கூறப்படும் விமானம் இலங்கை மற்றும் இந்தியாவிற்கு இடையில் பொருட்களை விநியோகிப்பதற்கு பயன்படுத்தப்பட்டுள்ளது.
வெளியாகியுள்ள புகைப்படம் மற்றும் தகவல்களுக்கு அமைவாக பொயிங் 727 ரக விமானம், பொருட்களை ஏற்றிச் செல்லும் விமானமாகும்.
இந்த ரக விமானங்கள் தற்போது தயாரிக்கப்படாத நிலையில்இ இதன் விலை 2 மில்லியன் அமெரிக்க டொலர்களை தாண்டுகின்றது. ஸ்ரீ லங்கன் விமான நிறுவனத்துடன், ஒன்றிணைந்து சார்க் வலய நாடுகளுக்கு பொருட்கள் கொண்டு செல்லப்படுவதாக சஜின் டி வாஸ் குணவர்தனவிற்கு சொந்தமானதாக கூறப்படும் விமான நிறுவனத்தின் செய்திகள் குறிப்பிடுகின்றன.
ஆனால் லங்கன் கார்கோ என பெயரிடப்பட்டுள்ள இந்த விமானம் சுமார் ஒரு வருட காலமாக கட்டுநாயக்க சர்வதேச விமான நிலையத்தின் பொருட்கள் விநியோக பிரிவில் ஸ்ரீ லங்கன் விமான சேவை எனும் பகுதியில் நிறுத்தப்பட்டுள்ளது.
இவ் விமானம் தொடர்பான முக்கிய படங்கள் இன்றே பெறக் கூடியதாக இருந்ததாக குறிப்பிட்டுள்ள எமது புலனாய்வுச் செய்தியாளர் லசந்த களபதி இவற்றினை அடிப்படையாக வைத்து விசாரணைகள் முடக்கி விடப்பட்டுள்ளதாகவும் ஜனாதிபதி தனது பார்வையை குற்றம் செய்தவர்கள் மீது திருப்பியுள்ளதாக அவர் அனுப்பியுள்ள செய்திக் குறிப்பில் சுட்டிக் காட்டியுள்ளார்.
0 Comments