மஹிந்த ராஜபக்ஷவின் பிரசன்னம் சுதந்திரக் கட்சியை பலப்படுத்தும்

நாட்டின் தற்­போ­தைய அர­சியல் சூழலில் முன்னாள் ஜனா­தி­பதி மஹிந்த ராஜ­பக்ஷ சிறி­லங்கா சுதந்­திரக் கட்­சி­யுடன் இணைந்து செயற்­ப­டு­வது கட்­சியை பாரி­ய­ளவில் பலப்­ப­டுத்­து­வ­தாக அமை யும் என்று நான் கரு­து­கிறேன் என முன்னாள் அமைச்­சரும் கண்டி மாவட்ட பாரா­ளு­மன்ற உறுப்­பி­ன­ரு­மான கெஹெ­லிய ரம்­புக்­வெல தெரி­வித்தார்.

இந்த இடத்தில் நான் பிர­தமர் வேட்­பாளர் என்ற விட­யத்தை வைத்து பேச­வில்லை. மாறாக மஹிந்த ராஜ­பக் ஷ சிறி­லங்கா சுதந்­திரக் கட்­சி­யுடன் செயற்­பாட்டு ரீதி­யாக பங்­கெ­டுத்து செயற்­ப­டு­வது கட்­சியை பலப்­ப­டுத்தும். மாறாக மஹிந்த ராஜ­ப­க்ஷவை பிர­தமர் வேட்­பா­ள­ராக கள­மி­றக்­கு­வதா? இல்­லையா என்­ப­தனை கட்­சியே தீர்­மா­னிக்­க­வேண்டும் என்றும் அவர் குறிப்­பிட்டார்.

முன்னாள் ஜனா­தி­பதி மஹிந்த ராஜ­ப­க்ஷவை ஜனா­தி­பதி வேட்­பா­ள­ராக கள­மி­றக்­க­வேண்­டும் என்று வலி­யு­றுத்­தப்­பட்­டு­வ­ரு­கின்­றமை தொடர்பில் கருத்து வெளி­யி­டு­கை­யி­லேயே அவர் மேற்­கண்­ட­வாறு கூறினார்.

அவர் இந்த விடயம் குறித்து மேலும் குறிப்­பி்­டு­கையில்,

நுகே­கொ­டை யில் ஐக்­கிய மக்கள் சுதந்­திர முன்­ன­ணியின் கூட்டம் ஒன்று நடை­பெற்­றுள்­ளது. இதில் ஒரு விடயம் தெளி­வா­கின்­றது. அதா­வது கடந்த ஜனா­தி­பதி தேர்­தலில் மஹிந்த ராஜ­பக்ஷ தோல்­வி­ய­டைந்­தி­ருந்­தாலும் மக்கள் மன­தி­லி­ருந்து அவர் இன் னும் நீங்­க­வில்லை. இந்த விடயம் நன்­றா­கவே தெளி­வா­கின்­றது.

இந்­நி­லையில் மஹிந்த ராஜ­ப­க் ஷவை எதிர்­வரும் பொதுத் தேர்­ தலில் பிர­தமர் வேட்­பா­ள­ராக கள­மி­றக்­க­வேண்டும் என்­பது தொடர்பில் விடுக்­கப்­படும் கோரி க்­கைக்கு நான் எதுவும் கூற முடி­யாது. அது கட்­சி­யினால் எடுக்­கப்­ப­ட­வேண்­டிய தீர்­மா­ன­மாகும். ஆனால் மஹிந்த ராஜ­பக்ஷ பிர­தமர் வேட்­பா­ள­ராக அறி­விக்­கப்­ பட்டால் நான் சுதந்­திரக் கட்­சி யின் உறுப்­பினர் என்ற வகையில் அதனை எதிர்க்­க­மாட்டேன்.

ஆனாலும் எனது தனிப்­பட்ட கருத்து இங்கு முக்­கி­ய­மல்ல. கட்­சியின் தேசிய அமைப்­பாளர் சுசில் பிரேம்­ஜ­யந்­தவும் பிர­தமர் வேட்­பாளர் தொடர்பில் விரைவில் தீர்­மானம் எடுக்­கப்­ப­ட­வேண்­டி­யுள்­ள­தாக கூறி­யுள்ளார்.

எனவே தேர்தல் அறி­விக்­கப்­பட்­ட­வுடன் அது குறித்த தீர்­மானம் எடுக்­கப்­படும். ஆனால் ஒரு விட­யத்தை இங்கு குறிப்­பி­ட­வேண்டும். அதா­வது நாட்டின் தற்­போ­தைய அர­சியல் சூழலில் முன்னாள் ஜனா­தி­பதி மஹிந்த ராஜ­பக்ஷ சிறி­லங்கா சுதந்­திரக் கட்­சி­யுடன் இணைந்து செயற்­ப­டு­வது கட்­சியை பாரி­ய­ளவில் பலப்­ப­டுத்­து­வ­தாக அமையும் என்று நான் கரு­து­கிறேன்.

பிர­தமர் பதவி அவ­ருக்கு வழங் கப்படவேண்டும் என்று நான் கூறவில்லை. அவ்வாறு நான் கூற முடியாது. அது கட்சியினால் கூட்டாக எடுக்கப்படவேண்டிய தீர்மானம். ஆனால் மஹிந்த ராஜ பக் ஷவின் பிரசன்னம் சுதந் திரக் கட்சியை பாரியளவில் பலப்படுத்தும் என்பதனை தெரி விக்கின்றேன் என்றார்.