சூரியன் தாங்க பூமியை சுத்துது! சவுதி நாட்டை சேர்ந்தவர் சூப்பரான விளக்கம்

பூமி சூரியனை சுற்றவில்லை, சூரியன் தான் பூமியை சுற்றி வருகிறது என சவுதியை சேர்ந்த மத குரு தெரிவித்துள்ளார்.

சவுதியை சேர்ந்த மத குரு ஷேக் அல் கைபாரி (Sheikh Bandar al-Khaibari) மக்கள் கேட்ட கேள்விகளுக்கு பதில் அளிக்கையில் எடுக்கப்பட்ட வீடியோ ஒன்று வெளியாகியுள்ளது.

அதில் மாணவன் ஒருவன் ஷேக்கிடம் பூமி நிற்கிறதா? அல்லது நகர்ந்து கொண்டிருக்கிறதா? என கேட்டுள்ளார்.

இதற்கு பதிலளித்த ஷேக் கூறுகையில், பூமி நிற்கத் தான் செய்கிறது. அது நகரவில்லை என கூறியுள்ளார்.

மேலும் தனது பதிலை நியாயப்படுத்தி உதாரணம் அளிக்க ஒரு டம்ப்ளரை கையில் எடுத்துக் கொண்ட அவர், நாம் எல்லாம் தற்போது எங்கு உள்ளோம்?

நாம் ஷார்ஜா சர்வதேச விமான நிலையத்தில் இருந்து சீனாவுக்கு விமானத்தில் செல்கிறோம். இது தான் பூமி என்று வைத்துக் கொள்வோம் என அந்த டம்ப்ளரை காண்பித்தார்.

இதன்பின் அவர் பேசியதாவது, பூமி ஒரு பக்கம் சுற்றுகிறது என்றால் விமானம் வானிலேயே நின்று கொண்டிருந்தால் கூட சீனா விமானத்தை நோக்கி வரும். பூமி மறுபக்கமாக சுற்றுகிறது என்றால் விமானம் சீனாவை அடையவே முடியாது.

ஏனெனில் சீனாவும் சுற்றிக் கொண்டிருக்கும் அல்லவா. அதனால் சூரியன் தான் பூமியை சுற்றி வருகிறது என பேசியுள்ளார்.

மேலும் மனிதன் நிலவுக்கு செல்வதாக கூறுவது ஹாலிவுட் ஜோடித்த கட்டுக்கதை என திட்டவட்டமாய் அவர் கூறியுள்ளார்.

இந்நிலையில் இவரது கருத்தை விமர்சித்து டுவிட்டர் பக்கத்தில் பலர் கருத்து தெரிவித்துள்ளனர்.