அவுஸ்திரேலிய அணிக்கெதிரான போட்டியில் நாம் வெற்றி பெறுவோம் என ஆப்கானிஸ்தான் அணி உலகக் கிண்ணத்தில் முதல் வெற்றி பெற்று வரலாறு படைக்கக் காரணமாயிருந்த சமியுல்லா ஷென்வாரி நம்பிக்கை தெரிவித்துள்ளார்.
ஸ்காட்லாந்து அணியை வீழ்த்திய ஆப்கன் அணியில் ஷென்வாரி 96 ஓட்டங்களை பெற்று ஆட்டநாயகனாக தெரிவு செய்யப்பட்டார்.
இது தொடர்பில் ஷென்வாரி மேலும் தெரிவிக்கையில்,
அகதிகள் முகாமில் இருந்த போது கிரிக்கெட் கற்றுக் கொண்டேன். முன்பு ஒன்றுமேயில்லாமல் இருந்தது. ஆப்கானிஸ்தானில் 8 அல்லது 10 ஆண்டுகளுக்கு முன்பு பார்த்தோமானால் கிரிக்கெட் என்று ஒன்றுமேயில்லை.
ஆனால் தற்போது தெருக்களில் பள்ளிகளில் எங்கு சென்றாலும் ஆப்கனில் கிரிக்கெட், கிரிக்கெட் என்று கொடிகட்டிப் பறக்கிறது.
அடுத்துவரும் ஆட்டங்களில் வெற்றி பெற வேண்டும் என்ற ஆசையும் வெறியும் எங்கள் அணியிடத்தில் இந்த வெற்றி ஏற்படுத்தியிருக்கிறது.
அடுத்த வாரம் அவுஸ்திரேலியாவை பேர்த்தில் சந்திக்கவுள்ளோம். அவுஸ்திரேலியாவுக்கு கடினமான சவாலை அளிப்போம் அவ்வளவு எளிதாக விட்டுவிட மாட்டோம் என்று நம்புகிறேன். அந்தப் போட்டியை ஆவலுடன் அனைவரும் எதிர்பார்க்கிறோம் வெற்றி பெறுவோம் என்று நம்புகிறோம்.” என ஷென்வாரி மேலும் தெரிவித்தார்.
இதேவேளை, அவுஸ்திரேலியா, இங்கிலாந்து, நியூசிலாந்து ஆகிய பெரிய அணிகளுடன் ஆப்கன் அணி மோதவில்லை என்பது குறிப்பிடத்தக்கது.
0 Comments