வரலாற்றில் இன்று: ஜனவரி 20

1265 : இங்கிலாந்து நாடாளுமன்றம் தனது முதலாவது கூட்டத்தை வெஸ்ட்மின்ஸ்டர் அரண்மனையில் நடத்தியது.

1523 : டென்மார்க், நோர்வேயின் மன்னர் பதவியில் இருந்து சுவீடன் மன்னர் இரண்டாம் கிறிஸ்டியன்  அகற்றப்பட்டார்.

1649 : இங்கிலாந்தின் முதலாம் சார்ள்ஸ் மன்னருக்கு எதிராக தேசத்துரோகக்
குற்றச்சாட்டுகளுக்காக விசாரணைகள் ஆரம்பமாகின.

1783 : பெரிய பிரித்தானியா, பிரான்ஸ் மற்றும் ஸ்பெயின் ஆகியன புரட்சிப் போரை முடிவுக்குக் கொண்டு வரும் வகையில் சமாதான உடன்பாட்டில் கைச்சாத்திட்டன.

1788 : இங்கிலாந்தில் இருந்து கைதிகளை ஏற்றிக்கொண்டு வந்த முதல் தொகுதி கப்பல்களின் மூன்றாவது கப்பல் அவுஸ்திரேலியாவின் நியூ சௌத் வேல்ஸின் பொட்டனி விரிகுடாவை அடைந்தன.

1795 : பிரெஞ்சுப் படைகள் ஆம்ஸ்டர்டாமைக் கைப்பற்றின.

1839 : யூங்கே என்ற இடத்தில் பெரு மற்றும் பொலிவியா கூட்டுப் படைகளுடன் இடம்பெற்ற சமரில் சிலி வெற்றி பெற்றது.

1841 : பிரித்தானியாவினால் ஹாங்கொங் தீவு கைப்பற்றப்பட்டது.

1887 : ஹவாயின் பேர்ள் துறைமுகத்தை கடற்படைத்தளமாகப் பாவிப்பதற்கு அமெரிக்க செனட் அனுமதியளித்தது.

1892 : முதலாவது அதிகாரபூர்வமான கூடைப்பந்தாட்ட விளையாட்டு அமெரிக்காவின் மசாசுசெட் இடம்பெற்றது.

1906 : வாரன்ஸ் சர்க்கஸ் (றுயசசநn'ள ஊசைஉரள) யாழ்ப்பாணம் வந்திறங்கியது. இதுவே யாழ்ப்பாணம் கண்ட முதலாவது சர்க்கஸ் ஆகும்.

1913 : யாழ்ப்பாணம், உடுவிலில் இராமநாதன் பெண்கள் கல்லூரி ஆரம்பிக்கப்பட்டது.

1936 : எட்டாம் எட்வேர்ட் ஐக்கிய இராச்சிய மன்னனாக முடிசூடினார்.

1929 : வெளிப்புறக் காட்சிகளைக் கொண்ட முதலாவது முழு-நீளத் திரைப்படம்  In Old Arizona  திரையிடப்பட்டது.

1944 : இரண்டாம் உலகப் போர்: பிரித்தானியாவின் ரோயல் வான்படையினர் பேர்லின் மீது 2,300 தொன் குண்டுகளை வீசினர்.

1945 : ஹங்கேரி இரண்டாம் உலகப் போரில் தனது பங்கை முடித்துக் கொள்வதாக அறிவித்தது.

1948 : கொலை முயற்சி ஒன்றிலிருந்து மகாத்மா காந்தி உயிர் தப்பினார்.

1969: கிழக்குப் பாகிஸ்தான் பொலிஸாரினால் மாணவர் ஒருவர் கொல்லப்பட்டார். இதனால் ஏற்பட்ட கிளர்ச்சிகளும் பங்களாதேஷ் விடுதலைப் போராட்டத்துக்கு பங்காற்றின.

1981 : ஐக்கிய அமெரிக்காவின்  ஜனாதிபதியாக 69 வயதான ரொனால்ட் ரீகன் பதவியேற்றார். அதிக வயதில் அமெரிக்க ஜனாதிபதியாக பதவியேற்றவர் இவர்.


1981: அமெரிக்க ஜனாதிபதியாக ரொனால்ட் ரீகன் பதவியேற்ற 20 நிமிடங்களில் ஈரான் தான் 444 நாட்களாகப் பிடித்து வைத்திருந்த 52 அமெரிக்க பணயக் கைதிகளையும் விடுவித்தது.

1990 : அஸர்பைஜானிய சுதந்திரத்துக்கு' ஆதரவான போராட்டம் சோவியத் இராணுவத்தினரால் நசுக்கப்பட்டது.

1992: பிரான்ஸிலுள்ள மலையொன்றில்  விமானமொன்று மோதியது. விமானத்திலிருந்த 96 பேரில் 87 பேர் உயிரிழந்தனர்.

1999: சீன அரசாங்கம் இணையத்தள பாவனைகளை கட்டுப்படுத்தவுள்ளதாக  சீனச் செய்திச் சேவை அறிவித்தது.

1992 : பிரான்ஸில் பயணிகள் விமானம் ஒன்று வீழ்ந்து நொருங்கியதில் 85 பேர் கொல்லப்பட்டனர்.

2001 : பிலிப்பைன்ஸில் இடம்பெற்ற புரட்சியில் ஜனாதிபதி ஜோசப் எஸ்ட்ராடா பதவியிலிருந்து அகற்றப்பட்டு, குளோரியா அராயோ ஜனாதிபதியானார்.

2009: அமெரிக்க ஜனாதிபதியாக பராக் ஒபாமா பதவியேற்றார். அமெரிக்காவின் முதலாவது கறுப்பின ஜனாதிபதி இவராவார்.