சவுதியில் அரசுத் துறையில் வேலை பார்க்கும் வெளிநாட்டவர்களை நீக்கும் திட்டம் முடங்கியது!

சவுதியில் சுகாதாரம் மற்றும் உயர்கல்வித் துறையில் வேலை பார்க்கும் வெளிநாட்டவர்களை நீக்கும் திட்டம் முடங்கியது.

சவுதியில் வெளிநாட்டவர்களை நீக்கிவிட்டு அந்த இடங்களில் சவுதிக்காரர்களை நியமிக்கும் பணிகள் வெகுவேகமாக நடந்து வருவது அறிந்ததே. இதன்படி தற்போதுள்ள சவுதி அரசுத்துறை வேலைவாய்ப்புக்களில் சவுதியைச'சேர்ந்த 702,193 ஆண்களும், 471,242 பெண்களும் என மொத்தம் 1,173,435 பேர்கள் பணியாற்றி வருகின்றனர். 

இவர்களுடன் வெளிநாடுகளைச் சேர்ந்த 32,336 ஆண்களும் 31,310 பெண்களும் என மொத்தம் 63,646 அரசுத்துறைகளில் பணியாற்றி வருகின்றனர். இதிலிருந்து 2020 ஆம் ஆண்டிற்குள் சுமார் 28,000 பேரை நீக்கிவிட்டு அந்த இடங்களில் சவுதிக்காரர்களை பணியில் அமர்த்த இலக்கு நிர்ணயிக்கப்பட்டு இருந்தது.

சுகாதாரத் துறை எனும் மருத்துவம் சார் பணிகளிலும், உயர் கல்வித்துறையிலும் போதுமான சவுதியர்கள் இன்னும் தேவையான திறன் பெறாததால் இந்தப் பணிகளில் வெளிநாட்டவர்களை நீக்கும் போக்கு தடைபட்டுள்ளது. இந்நிலை மாற இன்னும் பல ஆண்டுகள் பிடிக்கலாம் என எதிர்பார்க்கப்படுகிறது.

Source: Saudi Gazette

தமிழில்: நம்ம ஊரான்