அமீர்கானின் தீவிர ரசிகர் நிஹால் பிட்லா. 14 வயதே நிறம்பிய இந்த சிறுவன் அபூர்வ நோயால் பாதிக்கப்பட்டவன். இந்த நோய் காரணமாக அந்த சிறுவனின் முகத்தோற்றமே மாறி விட்டது.
அமீர்கானின் ‘தேரேஜமீன்பர்’ படத்தை பார்த்த இந்த சிறுவன், ‘பேஸ்புக்’ பக்கத்தில் தனது படத்தை வெளியிட்டு, இந்தி பட சூப்பர் ஸ்டார். அமீர்கானை சந்திக்க ஆசைப்படுகிறேன். சிறப்பான படத்தில் நடித்த அவருக்கு நன்றி என்று குறிப்பிட்டு இருந்தான்.
இதை அறிந்த அமீர்கான், சிறுவன் நிஹால் பிட்லாவை சந்தித்தார். தனது ஆசை நிறைவேறியதால் அந்த சிறுவன் மிகவும் மகிழ்ந்தான். அவனுக்கு கிறிஸ்துமஸ் பரிசு பொருள் அடங்கிய பார்சல் ஒன்றை கொடுத்தார்.
தேரேஜமீன்பர் பட டி.வி.டி. ‘டூம்–3’ பொம்மை ஆகியவை இருந்தன. டி.வி.டி. இருந்த கவரில், ‘அன்புள்ள நிஹாலுக்கு, உன்னை சந்தித்தது அன்பான தருணம். எப்போதும் நீ மகிழ்ச்சியுடன் இருக்க வாழ்த்துக்கள் என்றும் புன்னகையுடன் இரு, அன்புடன்–அமீர் என்று எழுதி இருந்தார்.
0 Comments