முஸ்லிம் அமைச்சர்கள் வேடிக்கை பார்ப்பது வெட்கி தலைகுனியும் விடயம்:ஜே.வி.பி.

அர­சாங்­கத்தின் ஆத­ர­வு­ட­னேயே முஸ்­லிம்கள் மீதான தாக்­குதல் மேற்­கொள்­ளப்­ப­டு­கின்­றது. தம் இனத்தின் மீதான அடக்கு முறை­களை முஸ்லிம் அமைச்­சர்கள் வேடிக்கை பார்ப்­பது வெட்கித் தலை­கு­னிய வேண்­டிய விட­ய­மாகும் என்று ஜே.வி.பி. தெரி­வித்­தது.

 

 

சிறு­பான்மை இனத்­தவர் மீதான அடக்கு முறைகள் சர்­வ­தேச விசா­ர­ணை­களை வலுப்­ப­டுத்திவிட்­டது. அர­சாங்­கமே அனைத்­திற்கும் பொறுப்புக் கூறவேண்டும் எனவும் அக்கட்சி குறிப்­பிட்­டது.

 

இது தொடர்பில் ஜே.வி.பி. யின் ஊடகப் பேச்­சாளர் விஜித ஹேரத் தெரி­விக்­கையில்,நாட்டில் தற்­போது இடம்­பெற்றுக் கொண்­டி­ருக்கும் இன முரண்­பா­டு­க­ளுக்கும் முஸ்லிம் இனத்­தவர் மீதான அடக்குமுறை­க­ளுக்கும் அர­சாங்­கமே காரணம். அர­சாங்க இனவா­தி­களின் ஆத­ர­வு­ட­னேயே சிறு­பான்மை மக்கள் அழிக்­கப்­பட்டுக் கொண்­டி­ருக்­கின்­றனர். 

அளுத்­கம இன முரண்­பாட்டு சம்­ப­வத்தை அர­சாங்கம் ஆரம்­பத்­தி­லேயே தடுத்து நிறுத்­தி­யி­ருக்க வேண்டும். கல­வரம் ஏற்­ப­டாது தடுத்­தி­ருக்க முடிந்தும் இன­வா­தி­களே பாது­காப்புப் படைகளின் உத­வி­யுடன் முஸ்­லிம்கள் மீதான தாக்­கு­தலை மேற்­கொண்­டுள்­ளனர். இன்று சர்­வ­தே­சத்தின் மத்­தியில் நாம் அவ­மா­னப்­பட்டு நிற்­கின்றோம். இலங்கை தீவி­ர­வாத நாடு, அமை­தி­யில்­லாத இனப்­பி­ரச்­சி­னை­க­ளு­டைய நாடு என சர்­வ­தேசம் முத்­திரை பதித்து விட்­டது.

 

நாட்டில் இன­வாத அமைப்­புக்­க­ளையும் இன­வா­தி­க­ளையும் பாது­காத்து அவர்­களை சிறு­பான்மை இனத்­த­வ­ருக்கு அச்­சு­றுத்­த­லாக்கி நாட்டில் குழப்­பத்தை ஏற்­ப­டுத்­து­கின்­றனர். மக்­களே இதற்­கான தீர்­வினை பெற்­றுக்­கொ­டுக்க வேண்டும். ஒரு சில இன­வா­தி­களின் கருத்­துக்­களை நம்பி இரு இன மக்­களும் மோதிக் கொள்­ளாது சிங்­கள முஸ்லிம் மக்கள் புரிந்­து­ணர்­வுடன் செயற்­பட்டால் நாட்டில் பிரச்­சி­னை­களை தீர்த்துக் கொள்ள முடியும்.

 

இன்று முஸ்­லிம்­க­ளுக்கு எதி­ரா­கவே அடக்குமுறைகள் கையா­ளப்­ப­டு­கின்ற நிலையில் முஸ்லிம் அமைச்­சர்கள் அர­சாங்­கத்­திற்குள் இருந்து கொண்டு அமைச்சுப் பத­வி­யினை தக்கவைத்துக் கொள்­வ­தற்­காக அமைதி காக்­கின்­றனர். தம் இனத்தின் மீதான அடக்குமுறை­களை இவர்கள் வேடிக்கை பார்ப்­பது வெட்­கப்­பட வேண்­டிய செயல். இவர்கள் தமது மக்­க­ளுக்­காக செயற்­பட எந்தத் தகு­தியும் இல்­லா­த­வர்கள்.

 

அதேபோல் நாட்டில் தற்­போது இடம்­பெறும் சிறு­பான்மை மக்கள் மீதான அடக்கு முறைகள் சர்­வ­தே­சத்­திற்கு நல்­ல­தொரு ஆதா­ர­மாக அமைந்து கொண்­டி­ருக்­கின்­றன. தமிழ் மக்கள் மீதான இன அழிப்பு ஏற்­பட்­ட­தாக சர்­வ­தேசம் குற்றம் சுமத்தி சர்­வ­தேச விசா­ர­ணை­யினை மேற்­கொள்­ள­வுள்ள நிலையில் நாட்டில் முஸ்­லிம்­களும் அச்­சு­றுத்­தப்­பட்டு வரு­கின்­றமை சர்­வ­தேச விசா­ர­ணை­யினை வலுப்­ப­டுத்தும் செயற்­பா­டா­கவே அமைந்­துள்­ளது. எனவே அர­சாங்­கமே இவை அனைத்­திற்கும் பொறுப்புக் கூறவேண்டும். அர­சாங்­கத்தின் மீதும் இரா­ணு­வத்தின் மீதும் சுமத்­தப்­பட்­டுள்ள குற்­றச்­சாட்­டுக்­களை உண்­மை­யென நிரூ­பிக்கும் செயலை அரசு செய்­கின்­றமை எதிர்­கா­லத்தில் மிகப் பெரிய சிக்­கலை ஏற்­ப­டுத்தி விடும்.

 

மேலும், மக்கள் விடு­தலை முன்­னணி இந்த அடக்குமுறை­களை கண்­டித்து கடந்த தினங்­களில் பல கண்­டன அறிக்­கை­களை வெளி­யிட்­டுள்­ளது. நாம் நேர­டி­யாக இப்­பி­ரச்­சி­னை­களில் தலையிட முடியாது. நாட்டின் பாதுகாப்பு விடயத்தில் அரசாங்கமும் பாதுகாப்புப் பிரிவுமே முக்கியத்துவம் கொடுக்க வேண்டும். எனினும் மக்கள் எக்காரணத்தைக் கொண்டும் ஆயுதம் ஏந்த வேண்டாம். அமைதியைப் பேணி ஒற்றுமையினை வெளிப்படுத்த வேண்டும் என்று வேண்டுகோள் விடுக்கின்றோம் எனவும் அவர் தெரிவித்தார்.