அஸ்தமித்த ஆலமரத்திற்கு வயது 15 (தலைவர் அஸ்ரப் நினைவு தினக்கவிதை)

செப்டம்பர் 16-இது 

சமாதானம் செத்துப்போன-நாள் 

முஸ்லிம்களின் முகவரி -தொலைந்த நாள் 

முள்ளந்தண்டும்,

மூளையும்,

முன்னானும் 

இல்லாத முசிபத்துகள்-எல்லாம் 

தலைவனாக உருவான நாள் !!!

ஒரு காங்கிரசை உருவாக்கி 

பல லட்சம் போராளிகளை 

பதுக்கிவைத்த சாணக்கியம் 

சிதறிப்போன- நாள் 

ஆயுதத்தால் துளைக்க முடியா 

பல தடைச்சுவர்களை 

வாயால் தகத்தேரிந்த கல்விமான் 

மறைந்த நாள் !!

நானனும் நீயும் 

நீயனும் நானும்- நாமான

நாமம் மறைந்த நாள் !! 

நல்ல எதிரிகளையும் 

நாவார பாராட்ட தெரிந்த 

பாராளுமன்ற ஒலி 

ஓய்ந்த-ஒரு நாள் 

சம்மாந்துரையூர்- தந்த 

சரித்திர மகனே

நீ-பிறந்த மண்ணில் பிறந்ததற்காய் 

பெருமைப்படுகிறேன்.......!!

அமைச்சராய் நானும் 

ஒருநாள் வரலாம் 

நீ- செய்த சேவையில் 

துளி செய்தாலும் 

கின்னஸில் என்பெயரும் 

நிச்சயம் வரும்......!!

நீ-நின்று பேசினால் 

இனவாதம் தலை கவிழ்க்கும்,

பிரதேச வாதம் ஓட்டம் பிடிக்கும் 

பின்னால புறம்பேசினாலும் 

உன்-முன்னால 

சகலரும் சாந்தமே....!!

தலைவா !!

உனக்கு கொபியனானும்- நண்பன்தான் 

கோப்பி கடை கனானும்- நண்பன்தான் 

துறைமுகம் முதல் 

பல்கலை வரை- உன் பெயர் சொல்லும் 

அது உன்னால் மட்டுமே -முடியும்.

ஒன்றரை தசாப்தம்

கடந்துவிட்டது 

நீ - தந்த காங்கிரசும் கரைந்து விட்டது.......!!

உன் விரலுக்கு தெரிந்த 

மொழி கூட -எம் 

புதுத்தலைவர்களுக்கு தெரியவில்லை 

கட்டுநாயக்க மலைமொகடு 

கண்ணிர் சிந்துகிறது 

உன் குதிரத்தின் 

வாசம் முகர்ந்ததால் 

மில்லியன் கணக்கான வழக்குகளில் 

உன் வழக்கும் ஓன்று 

மரணமா? இல்லை கொலையா என.....!!

தேர்தல் காலத்தில்- நீ 

தவறாமல் வருகிறாய் 

என்வீட்டு சுவத்திலும் 

சிரிக்கிறாய்...!!

ஆடும்,மாடும் உன்னை தின்கிறது 

அப்போதும்- நீ சிரிக்கிறாய் 

சிங்கம் -உன் கர்ச்சனை 

இல்லாத பாராளுமன்றம் 

காமடி அரங்கமாகி -கிடக்கிறது 

குள்ள நரிகளெல்லாம் 

கும்மாளம் போடுகிறது 

உன் கதிரைக்கு 

சொந்தம் கொண்டாட......!!

குருதியை பசளையாக்கி 

கண்ணீரை தண்ணீராக்கி 

நீரும் சமூகமும் 

வளர்த்த இயக்கம் 

இன்று யானைக்கடையில் 

அடமானம்.......?

அடமானம் மீட்க 

நீ - வராதே 

அரசியல் சாக்கடையில் 

குப்பைகள் கூடி விட்டது......!!

இறைவன் ஜன்னத்தில் 

பிர்தௌஸ் உனக்கு தந்திட 

நான் பிராத்திக்கிறேன்.......!!

அடமானம் மீட்க 

நீ - வராதே 

அரசியல் சாக்கடையில் 

குப்பைகள் கூடி விட்டது......!!

அல்லாஹ் 

பாவங்களை மன்னித்து 

கருணைக்கதவை-திறந்து கொடு 

அவர் இங்கு கஷ்டப்பட்டுவிட்டார் 

கருணைப்பார்வையை 

அவர் மீது திருப்பிவிடு ........!!

ஆமீன்...! ஆமீன்......!!

கலைமகன் ஹுதா உமர்  மாளிகைக்காடு