இப்படியும் ஒரு திருடன்! மஹியங்கனயில் சம்பவம் (PHOTOS)

திருட்டு சம்பவங்கள் அடிக்கடி நாடெங்கும் இடம்பெற்று வரவே செய்கிறது. ஆனாலும் மஹியங்கனயில் ஒரு திருடன் வித்தியாசமாக திருடிய இடத்திலேயே ஆழ்ந்து உறங்கி விடியற்காலையில் கையும் களவுமாக பிடிபட்ட சம்பவம் ஒன்று இடம்பெற்றுள்ளது. பிரதேசத்தில் பிரபல திருடனான குறித்த நபர் பல சரக்குக் கடையொன்றில் இரவு நேரம் நுழைந்து தனக்குத் தேவையான பொருட்களைத் திருடிவிட்டு அதே இடத்தில் சற்று நேரம் தூங்கி எழுவதற்காக கண் அயர்ந்து விடியற்காலையில் வர்த்தக நிலைய உரிமையாளரிடம் கையும் களவுமாக அகப்பட்டு பொலிசாரால் கைது செய்யப்பட்டுள்ளார்.

மஹியங்கன பூஜா நகரில் கைது செய்யப்பட்டுள்ள குறித்த திருடன் அடிக்கடி நீதிமன்றத்துக்கு சென்று தண்டனை பெறுவதை வாடிக்கையாகக் கொண்டுள்ளவர் எனவும் தகவல் தெரிவிக்கப்பட்டுள்ளமை குறிப்பிடத்தக்கது.